ചാലക്കുടി ഗവ. വനിതാ ഐ.ടി.ഐയിൽ കോഴ്സുകളിലേക്ക് അപേക്ഷ ക്ഷണിച്ചു

ചാലക്കുടി ഗവ. വനിതാ ഐ.ടി.ഐയിൽ  കമ്പ്യൂട്ടർ ഓപ്പറേറ്റർ ആന്റ് പ്രോഗ്രാമിംഗ് അസിസ്റ്റൻ്റ്, ഡ്രാഫ്റ്റ്സ്മാൻ സിവിൽ, ഇലക്ട്രോണിക്സ‌് മെക്കാനിക്, ഫാഷൻ ഡിസൈൻ ആന്റ് ടെക്നോളജി, ഇൻ്റീരിയർ ഡിസൈൻ ആന്റ് ഡെക്കറേഷൻ എന്നീ ട്രേഡുകളിലേക്ക് അപേക്ഷ ക്ഷണിച്ചു. താത്പര്യമുള്ളവർക്ക് https://itiadmissions.kerala.gov.in/ എന്ന വിലാസത്തിൽ ഓൺലൈനായി അപേക്ഷ സമർപ്പിക്കാം. 100 രൂപയാണ് അപേക്ഷ ഫീസ്.  അപേക്ഷ സമർപ്പിച്ചശേഷം പ്രിൻ്റൗട്ട്, അസൽ സർട്ടിഫിക്കറ്റുകൾ സഹിതം 24നകം സർട്ടിഫിക്കറ്റ് പരിശോധനയ്ക്കായി തൊട്ടടുത്തുള്ള ഐ.ടി.ഐയിൽ ഹാജരാകണം.  ജൂൺ 20 വരെ അപേക്ഷകൾ സ്വീകരിക്കും. ഫോൺ: 0480-2700816, 8943053764.